wasiirka xanaanada xoolaha dr.cabdi aw daahir oo xadhiga ka jaray xadhiga sariibad cusub oo ku taal boorama

Golaha Wakiilada Somaliland Oo Ansixiyay Wasiirada Warfaafinta iyo Xanaanada Xoolaha Ee Horaantii Sanadkan Uu Soo Magacaabay Madaxwayne Siilaanyo

Golaha Wakiilada Somaliland Oo Ansixiyay Wasiirada Warfaafinta iyo Xanaanada Xoolaha Ee Horaantii Sanadkan Uu Soo Magacaabay Madaxwayne Siilaanyo.

Hargeysa (burco) Mar.12, 2011 – Fadhigii Golaha wakiilada Somaliland oo uu gudoominayay gudoomiyaha Golaha wakiilada Mudane C/raxman Maxamed Cabdilaahi (Cirro) ayaa cod gacantaag ah ku ansixiyay Labada Wasiir ee Warfaafinta, Mudane: Axmed Cabdi Xaabsade iyo, Xanaanada Xoolaha Dr. Cabdi Aw Daahir.

Fadhigan Maanta waxa kasoo xaadiray 53 Mudane oo kamid ah 82-ka mudane ee golaha wakiiladu ka koobanyahay. Waxa golaha laga hor akhriyay Taariikh nololeedkooda waxbarasho, aqooneed iyo khibradeed ee labada wasiir. Waxaana si gacantaag ah loogu codeeyay ansixinta labadan wasiir oo uu Madaxwayne Siilaanyo Digreeto ku magacaabay horaantii sanadkan mar uu isku shaandhayn ku sameeyay golahiisa wasiirada.

Waxa si isku mid ah ugu codeeyay labada wasiir 53-kii mudane ee fadhiyay madasha, ma jirin cid diiday iyo cid ka aamustay toona, Gudoomiyuhuna muu codayn, sidaasi ayaanay ku ansaxeen labada wasiir.

Ansixinta kadib ayaa waxa loo ogolaaday labada wasiir in uu mid waliba kalmadiisa ka yidhaahdo golaha. Ugu horeyn Mudane Axmed Cabdi Xaabsade oo golaha ka hadlay ayaa sheegay in uu kusoo beegbay wasaarad aan lahayn qorshe dhinaca shaqaalaha ah, isla markaasna looga fadhiyo dajinta qorshe lagu kala hago shaqaalaha wasaarada.

Sidoo kale Dr. Cabdi Aw Daahir oo isna golaha ka hadlay ayaa sheegay inuu ka shaqayn doono siduu uu maamulka iyo shaqada Wasaarada Xanaanada xoolaha uga daadajin lahaa Caasimada una gaadhsiin lahaa Degmooyinka iyo Gobolada kale ee dalka oo idil.

Wasiirka Xannaanada Xoolaha, Degaanka iyo Horumarinta Miyiga Somaliland Dr.Cabdi Aw Daahir Cali ayaa gurmad dhaqaale gaadhsiiyey Burco

Wasiirka Xannaanada Xoolaha, Degaanka iyo Horumarinta Miyiga Somaliland Dr.Cabdi Aw Daahir Cali oo ka mid ah guddiga abaaraha heer qaran, ayaa sheegay inuu gurmadkii dhaqaale ee u horreeyay ee loogu talagalay dadka abaaruhu saameeyeen ay gaadhsiiyey shalay xarunta Gobolka Togdheer ee magaalada Burco, iyada oo wasiirku aanu xusin cid kale oo ilaa hadda gacan ka gaysatay gurmadka abaaraha.


Wasiirka xannaanadda xoolaha oo shalay magaalada Burco ugu warramayey qaar ka mid ah warbaahinta, waxa uu sheegay inuu sido dhaqaale gaadhaya 30 kun doollar oo loogu talagalay in loogu gurmado gobollada Oodweyne, Togdheer iyo Buuhoodle ee ay ka jirto xaaladda abaareed, isagoo intaa ku daray in lacagtani tahay hordhac la doonaayo in biyo loo siiyo dadka iyo xoolaha abaartu ku habstay, lacagtaas oo xukuumadda Siilaanyo ku deeqday.


Waxa kaloo uu carrabka ku dhuftay in lacagtani qayb ka tahay 100 kun doollar oo xukuumadu u qaybisey saddexda gobol ee Togdheer, Sool iyo Sanaag ee xaaladda abaareed ka jirto.


Dr. Cabdi Aw Daahir waxa uu tilmaamay inuu sameeyey guddi heer gobol ah oo ka kooban sagaal xubnood, kana hawlgeli doona xaaladda abaaraha degaannadaas, kuwaasoo uu guddoomiye u yahay Badhasaabka, ku-xigeenna maayirka Burco, xubnihiisana ka mid odayaasha guddiga horumarinta gobolka. Sidoo kale waxa uu xusay inay sameeyeen Accounta No, 4759, oo Dahabshiil oo loo sameeyey gurmadka abaaraha Gobolka Togdheer, “Sidaa darteed loo baahan yahay in qofkasta oo guddo iyo dibadba joogaa wixii karaankooda kaga qayb qaadan karaan xaaladda abaaraha ee kataagan gobolka ku ridaan Accounkaasi wixii ay bixinayaan.”


Wasiirku waxa uu sheegay inuu magaalada Burco joogi doono muddo saddex maalmood ah, ka dibna uu ku laaban doono dhinaca Hargaysa, isagoo soo qaadi doona wixii dhaqaale ah ee hadba xukuumadda ku caawin karto dadka abaartu ku hayso degaannada Togdheer, Buhoodle iiyo Oodweyne, marka laga reebo gurmad xukuumadda soo gaadhsiisay dadka abaartu ku habsatay, ma jirto hay’ado samafal ama shirkadaha ganacsiga oo ka muuqda ka qaybqaadashada xaaladda gurmadka abaaraha ee ka taagan Somaliland.


Sidoo kale, gobollada Sool iyo Sanaag ayaa la sheegay in la gaadhsiiey deeq lacageed, oo xukuumada ugu deeqday in loogu gurmado dadka abaaruhu sameeyeen ee ku dhaqan deegaannadaas.

Dr. cabdi Aw daahir oo la wareegay xilkii wasaarada

Wasiirrada cusub ee Wasaaradaha Xanaanada Xoolaha iyo Boosaha iyo Isgaadhsiinta Dr. Cabdi Aw Daahir Cali iyo Dr. Axmed Xaashi Nuur (Oday), ayaa maanta xilkii si rasmi ugula wareegay xaflad wadareed lagu qabtay Xarunta Ha’yada shaqaalaha dawlada ee magaalada Hargeysa.


Xafladaasi waxa goob joog ka ahaa Xildhibaano ka tirsan Goleyaasha Baarlamaanka Somaliland ee Guurtida iyo Wakiilada, Sudlaano iyo saraakiisha wasaaradahaasi iyo boqolaal qof oo ka mid ah dadweynaha ku dhaqan caasimada Hargeysa oo lagu soo marti qaaday.

Wasiirkii hore ee Wasaarada Boosaha iyo Isgaadhsiinta Md. C/Risaaq Ibraahim Maxamed, oo ugu horayn ka hadlay xaflad wadareedkaasi ayaa ka hadlay dareenkiisa iyo wixii u qabsoomay, waxaanu yidhi “haddii aan xoogaa dul maro waxyaabihii u qabsoomay wasaaradda boosaha iyo isgaadhsiinta muddadii aan joogay oo ahayd shan bilood iyo laabaatan maalmood. inta aanan taa u gudbin waxaan jecelahay in aan ka horaysiisto, waxaynu nahay dal yar, waxaynu nahay dad tiradooda lagu qiyaaso 3 Milyan ama 2 milyan iyo badh, waxaynu u midaysanahay in aynu yagleelno umad dhiig, dhaqan iyo dhaqaale wadaag leh. taa waxaa lagu heli karaa jidka wada jirka, nabadda, wadanoolaanshaha, is ixtiraamka iyo bulsho hadaf guud leh, sidaas ayaynu ku noqon karnaa bulsho kamida shucuurta caalamka.”

Cabdirisaaq waxa uu ugu baaqay bulshada gobolada Sool, Sanaag Bari iyo Buuhoodle in ay taageeraan gogoshii nabadeed nabadeed ee uu u fidayay madaxwaynaha Somaliland Axmed Maxamed Maxamuud (Siilaanyo), waxaanu yidhi “Dadka degen gobolada Bari ee Sool, Sanaag Bari iyo deegaanka Buuhoodle in qadiyada iyo mushkilaadka nabadgelyo darro ee ka jira deegaankaasi ay ku xaliyaan wada hadal, in ay aqbalaan gogoshii nabadeed ee ahaa in wax kasta lagu dhameeyo wada hadal. Waxaan ku boorinayaa jaaliyadaha reer Somaliland ee degan dibadaha, gaar ahaan deegaanada aan tilmaamay qurbo joogooda in ay yimaadaan dalka oo ay arkaan qadiyada jirta, si loogu guuro wax alaale iyo wixii tabasho ah ee dadkooda iyo dalkooda ay la jecel yihiin in ay ku xaliyaan aqoonta saliimka ah iyo caqliga bani-aadamka ee fiican.”

Wasiirkii hore ee Boosaha iyo Isgaadhsiintu waxa kale oo uu ka waramay waxyaabihii u qabsoomay wasaaraddiisa muddadii uu xilka hayay, isaga oo arrimahaasi ka hadlayana wuxuu yidhi “Wasaaradda Boosaha iyo Isgaadhsiinta muddadii haaf sannadka ahayd ee aan xilka hayay waxa u qabsoomay wax aan jeclahay saaxiibkay Axmed Xaashi Oday oo aanu ku wada jirnay golaha wasiiradda oo shaqada qayb ka ahaa wax uu ka markhaati kici doono. waxay ahayd hayaan fog aanu ku talo galnay aniga iyo shaqaalaha wasaaradda oo aan aad u amaanayo, in aanu ka dhigno wasaaradda mid la mid ah wasaaraddaha caalamka ee isgaadhsiinta, kuwaasi oo wadamadooda u ah laf-dhabarta dhaqaale ee ay leeyihiin dalalkaasi. waxaanu yagleelnay oo aanu ku talo galnay in aanu hirgelino oo aanu isku dubaridno nidaamka wasaaraddu u shaqayso, anaga oo samaynay in aanu shaqaalaha u abuurno jidwal shaqo oo ka duwan kuwii hore loogudhaqmi jiray. waxaanu tiigsannay qorshe, in aanu wax ka bedelno ama aanu abuurno sharciga Isgaadhsiinta, kaas oo qabyo ahaa aanuna ku guulaysanay in aanu hir gelino oo golaha wasiiraddu ay ansixiyaan bishii ina dhaaftay dabayaaqadeedii oo iminka uu sugayo golaha sharci dejintu.”


Cabdirisaaq Ibraahin Maxamed waxa kale oo uu intaa ku daray oo uu yidhi “Waxa kale oo noo qabsoomay oo aanu ku guulaysanay Wasaaraddu in ay dhakhso noqon doonto wasaarad ka mida wasaaradaha ugu quruxda badan dalka, taas oo iminka uun ay waxyar ka dhinayd in aanu bilawno dhismayaal dabaqyo ah oo wasaaradda u noqon lahayd hoy iyo xafiisyo. waxaanu hirgelinay oo aanu qarka u saarnay in uu shaqeeyo nidaamkii aan wax badan ku taamayay, kaas oo ahaa isku xidhka shirkadaha, arrintaasi may ahayn arrin fudud, waxay ahayd arrin culayskeeda leh, waxay ahayd muddadii ay jireen shirkadaheenu shaqo aan marna la qaban, waxay ahayd arrin xasaasiyad leh oo shirkadaha isgaadhsiinta iyo wasaaraddu ay marar badan isku dayeen in ay hirgeliyaan, laakiin aan marnaba sidii la rabay aan u dhicin. waxaanu wada tashi la yeelanay shirkadaha isgaadhsiinta iyo wadashaqayn na dhex maraysay oo aan aad ugu amaanayo, waxaanu soo gaadhnay heer ah in anaga iyo shirkadaha isgaadhsiintu aanu yeelano aqoon is waydaarsi joogto ah iyo kobcin xaga aqoonta iyo culuumta isgaadhsiinta ah, si aanu u hirgelino nidaamka isku xidhka. waxaa noo hirgalay oo aanu la xidhiidhnay afar shirkadood oo ah kuwa qalabka isku xidhka iibiya, muddo afar bilood iyo badh ah aanu iskula soo jirnay in aanu kala doorano tayadooda iyo qiimahooda qalabka ay iibinayaan. waxaa noo suurta gashay in aanu shirkaddii ugu danbaysay la bilowno in aanu tijaabsano qalabka ay hayaan waxa uu yahay. ilaa hadda may dhicin in aanu qalabkaa boqolkiiba laba boqol aanu ku wareegin dowladda, laakiin waxa uu marayaa heer ah in ay wasaaraddu damaanad qaaday wixii tijaabo ah in aanu dhamaysano, kadibna wixii dhaqaale bixin ah wasaaradda maaliyadda iyo shirkadda qalabkaa lehi ay ka xisaabtamaan oo kala qaataan. Waxaan ku soo gabagabaynayaa hadalkayga Dr. Axmed Xaashi Oday waxa uu ku wareejin doonaa Dr. Cabdi Awdaahir wax alaale iyo waxa Somaliland Geel, Lo’ iyo Adhi leedahay, aniguna waxaan waxaan ku wareejin doonaa wax alaale iyo Somaliland Mobile Telefon leedahay. Waxaan ballan qaadayaa in aan ahay qof muwaadin ah, qadiyadiisuna aanay ku xidhnayn xilka uu markaa hayo ee aan dalka ugu shaqayn doono si mutadawacnimo ah oo wadaninimo ah, haddii ILLAAHAY idmo.”

Waxa isaguna halkaasi ka hadlay Wasiirka cusub ee wasaaradda Boosaha iyo Isgaadhsiinta Dr. Axmed Xaashi Oday, waxaanu ka waramay waxyaabihii u qabsoomay muddadii uu joogay wasaaradda xanaannada xoolaha, isaga oo arrimahaasi kahadlayana wuxuu yidhi “Wasaaradda xanaanada Xoolaha muddadii yarad ee shanta bilood ahayd, waxyaabaha noo qabsoomay ee maanta sharaf ii ah in aan ku wareejiyo Dr. Cabdi Aw Daahir iyo madashan quruxda badanba aan ka hor idhaahdo waxaa ka mid ah, marka hore shaqaalaha aan wasaaradda ugu imi waxay ahaayeen shaqaale aanan qariib ku ahayn, sida iminka Cabdi Awdaahir iyo Cabdirisaaq ku ahaayeen, shaqaale aan wada garanayay ayay ahaayeen, maalintii aan la wareegayayna umaan baahnayn in aan idhaahdo halkaa yaa jooga iyo halkaa yaa jooga, laakiin maanta waxaa la iiga baahan yahay in aan meel kasta sheego cidda joogta iyo sida ay shaqadu tahay.”

Mudane Oday oo hadalkiisa sii wataa wuxuu intaa raaciyay “Shaqaalaha guud ahaan marka labada wasaaraddood la isku daro, oo lagu daro xataa korodhsiimada Hay’adda shaqaaluhu noo ogolaatay, waa 316 shaqaale ah oo ka shaqeeya labadii wasaaradood ee la isku daray oo Xoolaha iyo Deegaanka ah, waxaanay u badan yihiin dad aqoon yahanno ah oo khibrad leh. waxaan ku darayaa gaadiidka ay wasaaraddu leedahay, runtii markii horena gaadiid wanaagsan ayaa la igu wareejiyay, iminkana gaadiidkii oo sidiisii u wanaagsan iyo kuwo cusub oo aan ku soo daray ayaan ku wareejinayaa, shan iyo toban gaadhi oo ay wasaaraddu leedahay, gaadhi qudha ayaa yaala oo ciladi ku jirtaa, inta kalena way shaqeeyaan. Waxa kale oo aan kuu sheegayaa hadafka ugu wayn ee ay wasaaraddu ka shaqayn jirtay waxa uu ahaa xoolaha dhoofa, doorkan waxaanu samaynay in aanaan ku joogin xoolaha dhoofa oo kaliya ee aanu xoolaha halkoodii ugu tagno. wasaaradda waxa dhacday markii ugu horaysay ee gobolada oo dhan dawo loo qaybiyay intii aan hadda joogay ayay ahayd, gobolada oo dhan ayaanu u qaybinay, mar labaad waxa ku xigay Talaalkan dhawaanta aad maqasheen, isaguna hore weligii ugama uu dhicin, wasaaraddu halka wax laga soo sheego ayuun bay tagi jirtay, laakiin tallaal gobolada oo dhan ah kan ayaa ugu horeeya, talaalkaasna waxaanu raacinay in dawo la socoto, waayo dhakhtarka wax tallaalaya haddii lagu yidhaahdo neef baa iga xanuusanayo, anigu tallaal uun baan u socdaa haddii uu yidhaahdo dee waa fadeexad. ”

Axmed Xaashi Oday isaga oo hadalkiisa sii wata waxa uu intaa raaciyay “Qodobka labaad ee aan ka hadlayaa waxa weeye isaguna waxbarashada, wasaaradda xannaanada Xoolaha waxaa aniga iga danbeeyay ilaa siddeed qof, wax dibadaha ka yimina way yar yihiin, dabadeedna aqoontii way joogsatay, maanta Jaamacadda Burco oo 12-kii arday ee ugu horeeyay ay ka soo baxeen, oo wixii jaamacaddu la hadho mooyee aanu itna kale shaqaalaysiinayno, waxa ku xigay Iskuulka Sheekh ee Xoolaha oo ay ka soo baxayaan kaaliyayaashii kaalin lahaa ragaa jaamacadaha ka soo baxay, tiradoodu waxay ahaayeen 12 qof, laba qof waxay ahaayeen reer Koonfureed, tobankii kalena waanu shaqaalaynay, si ay iyaguna hawshii u galaan oo dhiig cusubi u yimaado, waxa kale oo noo soo raaca arday badan oo jaamacadaha dibadda nooga timi, iyagana shaqaalaha waanu ku darnay, ilaa shan iyo sodon qof ayaanu shaqaalaysiinay oo hay’adda shaqaaluhu naga aqbashay.”

Wasiirka cusub ee Wasaarada Xanaanada Xoolaha Somaliland Dr. Cabdi Aw Daahir Cali, oo ka hadlay xafladaasi ayaa u mahad celiyay Wasiirkii hore ee wasaaradaasi sida wanaagsan ee ugu soo dhaweeyay wasaarada, waxaanu ku ammaanay waxyaabihii u qabsoomay.

Wasiirku wuxuu balan qaaday inuu isaguna wixii awoodiisa ah halkaasi ka sii ambo qaadi doono horumarinta wasaarada xanaanada xoolaha iyo deegaanka. Dr. Cabdi Aw Daahir waxa uu soo dhaweeyay tallaabada xukuumaddu ay mushaharkii 100% ugu kordhisay shaqaalaha iyo ciidamada dawlada, waxaanu tallaabadaasi ku tilmaamay tallaabo dhaxal gal ah iyo guul siyaasadeed oo u soo hoyatay xukuumada Somaliland ee cusub.

Wasiirku wuxuu sheegay in loo baahan yahay in wasaaradiisu ay istaraatajiyad u dhigto lagu joojinayo biyaha badda gelaya.

xilal wasiiro la magacaabay

Madaxweynaha JSL Mudane: Axmed Maxamed Maxamuud (Siilanyo), waxa uu maanta digreetooyin madaxweyne xilkii kaga qaaday laba wasiir, sidoo kalena ku Magacaabay laba Wasiir oo Cusub, Waxa kale oo uu madaxweynuhu wasaaradihi hore ee ay hayeen ka bedelay labada wasiir ee wasaaradaha ee warfaafinta iyo xanaananada xoolaha oo uu u magacaabay wasaarado cusub, sidaasi waxa lagu sheegay warsaxaafadeed ka soo baxay madaxtooyada, oo loo qaybiyay saxaafada warsaxaafadeedkaasi oo nuqul ka mid ahi uu soo gaadhay shabakada qaran news waxa uu u dhignaa sidan hoos ku xusan.

Madaxweynaha JSL. Mudane Axmed Maxamed Maxamuud "Siilaanyo"

Markuu Arkay: Qodobka 90'aad, faqradiisa (2)'aad ee Dastuurka Jamhuuriyadda Somaliland,

Markuu Tixgeliyey: Ahmiyadda wayn ay Wasaaraduhu u leeyihiin Dalka iyo Dhismaha Qaranka,

Markuu Arkay: In baahi loo qabo buuxinta jagooyinkan hoos ku xusan,

Markuu Ka Fiirsaday: Kartidooda, aqoontooda iyo hufnaantooda shaqo,

Markuu ku Qancay: In ay hanan karaan xilalka loo magacaabay.
Wuxuu go'aansaday

In Mudane, Axmed Cabdi Xaabsade, laga bilaabo taariikhda maanta uu ahaado Wasiirka Wasaaradda Warfaafinta iyo Wacyigelinta ee JSL.
In Mudane, Dr. Cabdi Aw Daahir Cali, laga bilaabo taariikhda maanta uu ahaado Wasiirka Wasaaradda Xanaanada Xoolaha, Deegaanka iyo Horumarinta Reer Miyiga ee JSL.

In Dr. Axmed Xaashi Oday,oo hore u ahaa Wasiirka Wasaarada Xanaanada Xoolaha, Deegaanka iyo horu-marinta Reer Miyiga laga Bilaabo Maanta uu ahaado Wasiirka Wasaaradda Boosaha iyo Isgaadhsiinta JSL.

In Mudane, Cabdilaahi Jaamac Cismaan (Geel-Jirre), oo hore u ahaa Wasiirka Wasaarada Warfaafinta iyo Wacyi-gelinta laga bilaabo maanta uu ahaado Wasiirka Wasaaradda Kalluumaysiga iyo Khayraadka Badda JSL.

Madaxwweynaha JSL isagoo uga mahad celiyey mudadii ay xilka soo hayeen waxa uu Xilkii Wasiir-nimo ka Qaaday isla markaana Faray in ay Wasiirada Cusub ku wareejiyan Xilkii Wasaaradaha ee ay hayeen.

Wasiirkii Wasaarada Kalluumaysiga iyo Khayraadka Badda

Dr. Maxamed Yaasiin Xasan

Wasiirkii Boosaha iyo isgaadhsiinta

Wasiirka Xanaanada Xoolaha Somaliland Dr Cabdi Aw Daahir, ayaa maanta si rasmi ah u furay mashruuc lagaga faa’iidaysanayo lafaha Geella Soomaalida.

Munaasibad loo sameeyay furitaanka mashruucan oo uu fulinayo ururka wadaniga ah ee SOMDA (Somaliland Meat Development Association), isla markaana ay maalgelisay hay’adda horumarinta dibadda u qaabilsan UK ee DFID oo kaashanaysa FAO, waxa ka qaybgalay wasiirka Xanaanada Xoolaha Somaliland, masuuliyiinta hay’adda FAO, madaxda ururka SOMDA iyo martisharaf kale.

Ugu horayn, Juddy Obyo oo ah madaxa barnaamijka horumarinta Hilibka ee FAO oo hadal kooban ka jeedisay munaasibaddaas, waxay faahfaahin ka bixisay ujeedada tabobar loo qabtay 40 qof oo loo diyaarinayo inay xirfadleyaal daneeyayaasha uga sii faa’iidayn doona hawshan, kaasoo muddo laba bilood ah ka socon doona xarunta ururka SOMDA ee caasimadda Hargeysa. Waxay sheegtay in dadkaas oo ka kala socda bulshada ku hawlan Hilibka Xoolaha ee suuqyada Hargeysa lagu tabobari doono inay aqoontaas u sii gudbiyaan dadka ku hawlan ka faa’iidaysiga Hilibka Xoolaha, isla markaana la bari doono lafaha Geella looga sameeyo agabka qurxinta guryaha loo adeegsado, alaabooyinka ay dumarku xidhaan sida Kuusha, Waysaakhyada, Maacuunta wax lagu cuno iyo sidoo kale khayraadka aan hore looga faa’iidaysan jirin ee lafaha lagu tuuri jiray. Sidoo kale, waxay sheegtay in kooxdaas lagu tabobari doono samaynta noocyada Saabuunta. “Tani waxay muujinaysaa in aynu wax wax-ku-ool ah ka samayn karo wax aan marka hore waxba ahayn,” ayay tidhi mss Juddy.

Madaxa hay’adda FAO ee Bariga Afrika Mr. Massemio Castelo oo isna halkaas ka hadlay, ayaa faahfaahin ka bixiyay ujeedooyinka laga leeyahay barnaamijkan lagu horumarinayo Hilibka Xoolaha Soomaalida iyo ka faa’iidaysigiisa. “Mashruucan markii hore waxay baahidiisu ka timi bulshada, ujeedadiisuna waxa weeye, in kor loo qaado wax-soo-saarka gudaha,” ayuu yidhi. “Waxa kale oo aanu doonaynaa in barnaamijkani kor u qaado ka faa’iidaysiga Hilibka iyo Lafaha Geella, si kor loogu qaado dhaqaalaha maxaliga ah,” ayuu raaciyay.

Mr Castelo waxa uu u mahadceliyay wasaaradda Xanaanada Xoolaha Somaliland iyo ururka wadaniga ee SOMDA ee fulinaya mashruucan oo ah kii u horeeyay ee noociisa ah ee laga fuliyo dhulka Soomaalida. “Waxaan jeclahay in aan u mahadceliyo ururka hawshan fulinaya iyo wasaaradda Xanaanada Xoolaha Somaliland, gaar ahaan wasiirka,” ayuu yidhi madaxa xafiiska Nairobi ee FAO.

Madaxa xafiiska FAO ee Somaliland Mr Maxamed Jaamac oo isna hadal kooban ka jeediyay xafladaas, waxa uu faahfaahin ka bixiyay waxyaabaha ay iska kaashadaan wasaaradda Xanaanada Xoolaha Somaliland iyo ururada Hilibka iyo dhinacyada kale ee ku hawlan ka ganacsigiisa.

Wasiirka Xanaanada Xoolaha Somaliland oo ka waramay tirada Xoolaha ka dhooftay Dekadda Berbera

Wasiirka Wasaaradda Xanaanada Xoolaha ee jamhuuriyada Somaliland ayaa faahfaahin dheeraad ah ka bixiyey tirada guud ee xoolaha ka dhooftay dekadda magaalada Berbera sanadkaan ee 2011-ka gaar ahaan labadii bilood ee u dambeeyey.

Dr.Cabdi Aw-Daahir Cali oo la hadlayay BBC-da ayaa sheegay in sanadkaan xoolihi ugu tiraha badnaa ka dhoofeen dekadda Berbera isagoo sheegay in dhamaan xoolahaas oo laga keenay gobolada kala duwan ee Soomaaliya loo dhoofiyey Wadamada Carbeed.

Wasiirka ayaa tilmaamay in ku dhowaad 2.5-milyan oo neef iskuna jira ari,l’0 iyo Geel loo dhoofiyey wadamada Khaliijka,balse intooda badan la geeyey Boqortooyada Sacuudiga intii lagu jirey Bishii Carafo oo Xujeyda ay gudanayeen waajibaadka xajka.

Ganacsatada ayuu ku booriyey in howsha halkaas kasii wadaan isla markaana soo dhoweeyey talaabada ay qaadeen ee la xirrira dhoofka xoolaha.

Dr.Cabdi Aw-Daahir ayaa dhinaca kale sheegay in xoolaha caafimaadkooda iyo tayadooda ay aad u wanaagsanayeen isla markaana si fiican loo baarayay oo lasii marinayay maxjarka.