20020829 (fagaaraha kheyriyadda udub)

UDUB iyo fagaaraha Burco.



Aug 29 2002 Burco (Jam)- Urur siyaasaddedka UDUB ayaa shalay dadweynaha kala hadlay agaaraha khayriyada ee magaalada Burco.
X a y a y s i i s - A d v e r t i s e m e n t

--------------------------------------------------------------------------------


--------------------------------------------------------------------------------

Ugu horreyn waxaa halkaas hadal ka jeediyey guddoomiyaha UDUB ee gobolka Togdheer, Siciid Sulub, waxaanu ka warramay ololahooda ay ugu jiraan doorashooyinka la filayo in ay dalka ka dhacaan mustaqbalka dhaw.

Intaa ka dib waxa hadalka lagu soo dhoweeyey xoghayaha guud ee ururka UDUB, Dr. Cabdi Aw Daahir Cali, waxaanu hadalkiisii ku bilaabay; "Ugu horreyn waxaan uga mahad-naqayaa dadweynaha Reer Burco, sida wanaagsan ee ay noo soo howeeyeen, markii aannu ka soo ambabaxaynay Hargeysa ayaa Madaxweynaha Somaliland Md. Daahir Rayaale Kaahin, isla markaana ah guddoomiyaha ururka UDUB uu na soo faray farriin ah in aanu salaan ka gaadhsiino shacbiga ku nool gobolka Togdheer."

Dr. Cabdi Aw Daahir, isaga oo ka hadlaya ujeeddada safarkooda Burco, waxa uu yidhi; "Ujeeddadayadu waxay ahayd laba arrimood, ka hore waa in aannu u diyaargarowno doorashooyinka Dawladaha Hoose oo ay ka hadhay muddo ka yar laba bilood, iyo ta labaad oo ah 12 September xisbi kasta waxa laga rabaa in uu keenno xubnihii uga qayb geli lahaa doorashooyinka, isla markaana socdaalkayagu wuxuu ku ekaa obollada Saaxil iyo Togdheer."

Waxa kale oo uu sheegay Dr. Cabdi Aw Daahir, in saddexda degmo ee uu ka kooban yahay gobolka Togdheer ay ka soo dooran doonaan xubnihii Golaha degaanka uga qayb geli lahaa degmooyinkaas oo kala ah Burco, Oodweyne, iyo Buuhoodle.

Xoghayaha UDUB, Dr, Cabdi Aw Daahir, isaga oo ka hadlayey axsaabta kale ee siyaasaddeed waxa uu yidhi; "Walaalahayaga axsaabta kale waxaan leeyahay aynu u sheegno dadweynaha waxa innaga dhexeeya in uu yahay warqadda, loollanka iyo xubnaha aynu geynayno ee yaynaan dadweynaha u geysan dhibaato kale ciddii ku guulaysata doorashadana ha lagu hambalyeeyo."

Ugu dambayntii Cabdi Aw Daahir, waxa uu hadalkiisa ku soo koobay oo uu yidhi; "Xisbigayagu ma aha mid qabyaalad ku dhisan, waxaanan aamminsanahay in aannu doorashada ku guulaysan doono."

Waxa kale oo iyaguna fagaarahaas ka hadlay maamulka gobolka iyo degmada Burco, oo iyagu lahaa soo dhoweynta iyo martigelinta weftiga UDUB.

Dhinaca kale intii aanay bilaabmin khudbaduhu waxa ay fagaaraha khayriyada ku soo bandhigeen taareerayaasha ururka UDUB, ciyaaro kala duwan iyo riwaayaddo ka tarjumaya hadafka iyo ujeeddada ururkaas.




Yesterday, Tomorrow : Voices from the Somali Diaspora .

Posted by Jamhuuriya London.
Email : Jamhuuriya@hotmail.com